La maniere de bien traduire dune langue en aultre | Page 2

de ta nature. Chascun se sent de ta munificence. Toutes Nations estranges ne preferent aulcun a toy, touchant l'art militaire, & conduicte de guerre. Quant a la politique, & gouuernement equitable d'ung pais, le Piedmont en donnera tesmoignage: en laquelle Prouince tu es a present gouuerneur soubz l'autorit�� du Roy, qui t'a esleu �� ceste charge, comme personne idoine �� touts faicts de grand conseil, & prudence. Croy (Seigneur le premier des Humains) que ie suis l'homme le moins admirant les hommes sans raison, & cause uehemente: mais tes uertus, & perfections infinies m'ont rauy iusques a la, que sur touts ie t'adore: & ceste affection, la Posterit�� n'ignorera, si mes Oeuures meritent immortalit�� de nom. Icy feray fin de mon epistre, te priant de rechef auoir ce mien Liure pour aggreable. De Lyon ce dernier iour de May, Mil cinq cents quarante.

ESTIENNE DOLET au peuple Francoys humble salut, & accroyssement d'honneur, & puissance.
Depuis six ans (? peuple Francoys) desrobbant quelcques heures de mon estude principalle (qui est en la lecture de la langue Latine, & Grecque) te uoulant aussi illustrer par touts moyens, i'ay compos�� en [En marge: l'Orateur Francoys.] nostre langage ung Oeuure intitul�� l'Orateur Francoys: duquel Oeuure les traict��s sont telz.
La grammaire. L'orthographe. Les accents. La punctuation. La pronunciation. L'origine d'aulcunes dictions. La maniere de bien traduire d'une langue en aultre. L'art oratoire. L'art po?tique.
Mais pource que ledict Oeuure est de grand importance, & qu'il y eschet ung grand labeur, scauoir, & extreme iugement, i'en differeray la publication (pour ne le precipiter) iusques a deux, ou troys ans. Ce pendant tu t'ayderas des instructions, qui sont en ce present Liure. Lequel si ie congnois t'estre aggreable, ie seray plus enclin a te bien polir, & parfaire le demeurant de mon entreprinse. Combien que i'en attends plus tost contentement de la Posterit��, que du Siecle present: [En marge: La uertu du uiuant est tousiours enui��e.] car le cours des choses humaines est tel, que la uertu du uiuant est tousiours enui��e, & deprim��e par Detracteurs, qui se pensent aduantager en reputation, s'ilz mesprisent les labeurs d'aultruy. Mais l'homme de scauoir, & de bon iugement ne doibt regarder �� telz resueurs, & plus tost s'en mocquer du tout. Ainsi faisant, ie poursuiuray mon effort, & attendray legitime los de la Posterit��: non d'aulcuns uiuants par trop pleins d'ingratitude, & mauluais uouloir. Contente toy pour ceste heure (? peuple Francoys) de ce petit Oeuure: & prens pour pleige l'affection, que ie porte �� ma renomm��e, que dedans quelcque temps ie te rendray parfaict l'Oeuure dessusdict. Et si aulcuns se delectent en tel labeur, cela n'est que bon. Que pleust �� dieu, que pour ung il y en eust mille: car par telz efforts le plus parfaict sera congneu, & en demeurera la gloire au bien entendant la langue Latine, & Francoyse. Pour le moins de mon cost�� ie tascheray de faire mon debuoir en si noble, & louable passetemps. Vray est, que si i'estois enuieux du bien d'aultruy, ie me deporteroys de ce mien labeur: pource que i'ay congneu telle [En marge: L'ingratitude d'aulcuns personnages de ce temps.] ingratitude entre les hommes de mon temps, que ceulx, qui ont le plus proffit�� sur mes Oeuures, sont les premiers, qui taschent de deprimer mon renom: mais pour leur meschante nature ie ne laisseray de produire par Oeuures le don de grace, que le Creatur m'a faict tant en la congnoissance de la langue Latine, que de ma maternelle Francoyse. Et ce tout �� l'honneur, & gloire de luy (luy seul autheur de tout bien) & �� l'utilit�� de la chose publicque: laquelle ie prefere aux maldicts de touts mes Enuieux, & Detracteurs: qui �� la fin se trouueront tromp��s en moy: car leur meschant langage ne me sert, que d'ung esguillon �� la uertu: tout au rebours de ce qu'ilz uouldroient de moy proceder. Mais ie scay, comme il fault tromper telles bestes chauss��es: & en telle prudence consumeray le demeurant de ma uie, taschant tousiours de perpetuer mon nom par Oeuures recommendables �� la Posterit��, & aage futur: lequel se trouuant uuide d'enuie en mon endroict, & muni de bon uouloir, ne se monstrera ingrat, mais par une equit��, & raison louera ce, qui est de louer. Ceste esperance m'a tousiours esmeu �� escrire, & donn�� cueur de prendre les labeurs, que i'ay iusques icy prins en la uacation literaire. Car au iugement des uiuants il y a bien peu d'equit��, & racueil pour les Doctes. A dieu Peuple le plus triumphant du Monde, soit en uertu, soit en puissance. A Lyon, ce dernier iour de May, l'an de grace. Mil cinq cents quarante.

LA MANIERE DE BIEN TRADVIRE D'VNE LANGVE EN AVLTRE.
Autheur Estienne Dolet natif d'Orleans.
La maniere de bien traduire d'une langue en aultre requiert principallement cinq choses.
[En marge: La